Ош. Мас абалда сүйлөшкөн кызын 4-кабаттан түртүп, анын өлүмүнө себепкер болгон айыпталуучу 8 жылга эркинен ажыратылды

Ош шаарында мас абалда сүйлөшкөн кызын 4-кабаттан түртүп, оор жаракаттардан улам каза болуп калган кыздын окуясы боюнча айыпталуучу 8 жылга эркинен ажыратылды. Бул тууралуу 23-март күнү Ош облустук сотунун басма сөз бөлүмүнөн билдиришти.

Маалым болгондой, айыпталуучу М.К. 2015-жылдын 7-декабрында Ош шаардык сотунун чечими менен 3 жылга эркинен ажыратылган. Бул чечимге макул болбогон жабырлануучу тарап шаардык соттун чечимин четке кагуусун суранып облустук сотко кайрылган. Облустук сот бул ишти карап чыгып, айыпталуучуну 8 жылга эркинен ажыратуу өкүмүн чыгарды.

Эске салсак, окуя 2015-жылдын 8-май күнү Анар кичи районундагы көп кабаттуу үйлөрдүн биринде болгон. Анда 1991-жылы туулган М.К. аттуу жаран кызганычтан улам 4-кабаттан 32 жаштагы Мээрим А. аттуу тургунду түртүп жиберген. Оор жаракаттардан улам ал ооруканадан каза болуп калган.