ЖЫЛНААМА, 25-март: Мындан 11 жыл мурун Бишкекте соода борборлорун массалык тоноо орун алган

Мындан 11 жыл мурун, 2005-жылы Кыргыз Республикасында бийлик алмашкандан кийин 24-марттан 25-мартка караган түнү Бишкек шаарында талоончулук орун алган. Борбордогу Өкмөт үйүнөн башталган талоончулук түнкү каракчылык менен уланган. Бишкектеги айрым дүкөндөр тонолуп, кээ бири өрттөлгөн. Мындан улам өлкөнүн экономикасына 100 миллион АКШ долларынан ашуун суммада зыян келтирилген. Биринчи кезекте ири соода борборлорунун ээлери жана ижарачылар жапа чегишкен. Ал кездеги жаңы кыргыз бийлиги укук коргоо органдарынын жана элдик кошуундардын жардамы менен банктарды жана стратегиялык объекттердин тонолуусунун алдын алган. Мародёрчулукка катышкандардын айрымдары кармалып, келтирген чыгымдарын төлөп беришкен.

25-марттын жылнаамасы.