Ошто Жол-патрулдук милициянын кызматкеринин сабалгандыгы боюнча текшерүү башталды

Ош шаарында Жол-патрулдук милициянын кызматкеринин сабалгандыгы боюнча текшерүү башталды. Бул тууралуу бүгүн, 25-мартта Ош шаары жана Ош облусу боюнча башкы башкармалыгынын басма сөз кызматы жарыялады. Маалыматка ылайык, "24-мартта Ош шаардык ички иштер башкармалыгынын Жол-патрулдук милициясынын кызматкери Ички коопсуздук башкармалыгынын кызматкери тарабынан сабалды" деген факт иликтенүүдө.

"Текшерүүнү Ош шаардык прокуратурасы жана ИИМдин Башкы башкармалыгы жүргүзүп жатат. Иш-чаранын максаты - кызматтык эрежелердин, мыйзамдуулуктун сакталышы жана аткарылышы канчалык деңгээлде болгондугуна баа берүү. Текшерүүнүн жыйынтыгы менен кошумча маалымат берилет",- деп билдиришти мекемеден.