Бишкекте акыркы суткада 4 жөө жүрүүчү ар түрдүү жаракаттарды алды, алардын бири оор абалда

Бишкекте акыркы суткада 4 жөө жүрүүчү ар түрдүү жаракаттарды алды, алардын бири оор абалда. Жөө жүрүүчүлөрдү сүзгөн айдоочулар окуя болгон жерден изин жашырып кетишкен. Бул тууралуу бүгүн, 25-мартта “Тез жардам” кызматынан билдиришти.

Маалым болгондой, кечээ саат 20:03 чамасында "Жибек-Жолу жана Фучик көчөлөрүнүн кесилишинен айдоочу 3 аялды сүзүп кетти" деген маалымат түшкөн. Окуя болгон жерге келген "Тез жардамдын" кызматкерлери жабырлануучу 3 аялга алгачкы медициналык жардам көрсөтүп, ооруканага жеткиришкен. Жабырлануучулардын бири эс-учу жок, оор абалда болгон. Ошондой эле саат 05:35те "жөө жүрүүчүнү сүзүп кетти" деген маалымат түшкөн. Окуя болгон жерге барган кызматкерлер 56 жаштагы жабырлануучу бир нече жаракаттарды алганын аныктап, аны ооруканага жеткиришкен.