Өткөн суткада өлкөдө 10 өрт кырсыгы катталып, борбордогу кафелердин бирине белгисиз адамдар күйүүчү май чачып өрт коюшту

Өткөн сутка ичинде өлкө аймагында 10 өрт кырсыгы катталып, аларды өчүрүүгө 12 өрт өчүрүү бөлүмү тартылган. Бул тууралуу бүгүн, 29-мартта Өзгөчө кырдаалдар министрлигинин басма сөз кызматынан билдиришти.

Маалыматка ылайык, борбор калаада 3, Чүй облусунда 2, Талас облусунда 1, Ысык-Көл облусунда 1, Ош облусунда 1, Ош шаарында 1, Нарын облусунда 1 өрт кырсыгы катталды.

Борбор калаадагы А.Токомбаев көчөсүндө жайгашкан кафелердин биринен өрт чыкты. Анда кафенин жыгачтан тургузулган 5 чарчы метр капталы күйүп кеткен. Өрттүн келип чыгуусуна белгисиз адамдардын күйүүчү май чачып атайын өрт койгону себеп болгон.