Бишкектеги кырсыктан улам Бишкек мэриясы элден авариялык абалга келген дарактар тууралуу билдирүүнү суранып жатат

Бишкектеги авариялык абалга келген дарактар тууралуу WhatsApp аркылуу билдирсе болот. Муну бүгүн, 29-мартта шаардык мэриянын басма сөз кызматынан билдиришти.

Маалым болгондой, мэрия шаардагы райондук администрациялардын акимдеринин орун басарларынын номерлерин берет. WhatsApp аркылуу төмөндөгү номерлерге жыйналбаган таштанды жана кулайын деп калган дарактар тууралуу маалымат берсе болот. Бул иш түрдүү кырсыктардын алдын алуу максатында аткарылып жатат.

Азимбаев Мирлан Абылкаирович (Ленин району) — (0556) 25-05-82;

Акматбаев Таалайбек Таберикович (Октябрь району) — (0777) 55-22-11;

Шарапов Руслан Эсенбекович (Биринчи Май району) — (0558) 33-66-40;

Шакитов Сагынбек Үсөналиевич (Свердлов району) — (0773) 56-73-70.

Эскерте кетсек, 27-мартта Бишкектеги Турусбеков жана Пушкин көчөлөрүнүн кесилишиндеги кырсыктан бир адам каза болгон. Мындан улам шаардагы дарактардын баары текшерүүдөн өткөрүлөрү айтылган эле.