СУПЕРСТАН: "Кыргыз кыздары сүйлөшүп жүргөндө назик, уялчаак, чүрөк, ал эми үйлөнгөндөн кийин сенин апаң..."

SUPER.KG порталынын "Суперстан" бөлүмүндө "Кыргыз айымдарынын өзгөчөлүгү эмнеде?" деген тема талкууга алынган. Темада кыргыз айымдарын мактагандар да, тескерисинче, сын таккандар да бар.

Темадагы билдирүүлөрдөн:

"Башка улуттарга салыштырмалуу биздин айымдардын көп өзгөчөлүктөрү бар. Мисалы, биздин айымдар ат үстүндө эркин ойноп, мырзалар менен тең жарышат. Ошондой эле алар эр жүрөк, тайманбас, акылдуу экени, керек болсо жоого да чыгышканы тарыхта айтылып келет".

"Ак куудай сулуу, гүлдөй назик, эшектей иштемчил, иттей чыдамкай, түлкүдөй амалкөй, керек жерде карышкырдай жулунган, кыскасы, бардык жагынан бар".

"Эшикке чыгып эркектин, үйгө кирип аялдын жумушун жасаганга жөндөмдүү. Башка улуттардын көпчүлүгүндө жубайлары үйүндө эле отурушат".

"Эркектер башка элдердей болуп кыздарын, аялдарын катуу кармабай, аларды сыйлай берип, "кыздын кырк чачы улуу" дей берип көп жаман нерселерге жеттик. Көп байкайм, башка улуттагы айым менен баш кошкон кыргыз эркектери жакшы, тың жана тынч жашайт, аялынын туугандары да башты оорутпайт, көбүрөөк да жашайт".

"Кыргыз кыздары көп сүйлөгөнү эле болбосо, калганынын баары жакшы. Жаңы кыз-жигит болуп сүйлөшүп жүргөндө аз сүйлөп, уялып, өзүн назик көргөзүп, дегеле телефон чалсаң албай, жөн эле чүрөк. Оо, үйлөнгөндөн кийин көр! Бир күндө жүз жолу чалып, анда дагы аз эле сүйлөбөй балээнин баарын айтып, баягы уялып, аз сүйлөгөн бийкеч жок, сага апа болуп алат".

Талкууга кошулгуңуз келсе, бул жакка кириңиз.