Кыргызстандык футбол калысы Лилия Хасанова Азия чемпиондугунун тандап алуу оюндарында калыстык кылат

Кыргызстандык калыс, ФИФАнын ассистенти Лилия Хасанова Азия футбол конфедерациясы тарабынан бир катар эл аралык беттештерде калыстык милдет аркалоого дайындалды. Дайындоо боюнча ал 1-декабрдан 9-декабрга чейин 19 жашка чейинки айымдар арасында Азия чемпиондугунун Хошиминде (Вьетнам) өтүүчү тандап алуу оюндарынын 2-этабында калыстык кылат. Эске салсак, Л.Хасанова кечээ жакында Филиппинде өткөн 16 жашка чейинки кыздар арасында Азия чемпиондугунун тандап алуу оюндарында калыстык милдетин аркалап келди.