Активист көк бөрү оюнундагы тай казанды жаңыча жасап чыгууну сунуштоодо, "дөңгөлөктөрдүн ордуна оюу-чийме коюш керек" дейт ал

Активист Бекжан Шыгаев көк бөрү оюнундагы тай казанды жаңыча жасап чыгууну сунуштап жатат. Анын айтымында, тай казандын бетине дөңгөлөк чаптоо копол көрүнөт. Тай казандын ичи жана кырлуу жерлери накта териден жасалышы керек. Бул улакчы улак менен кошо тай казанга киргенде жумшактыкты камсыздайт. Дөңгөлөктөрдүн орду калың кийизден капталышы керек. Ошондой эле тегерек-четине кыргыздын оюу-чиймелери түшүрүлүүгө тийиш.

Кошумчалай кетсек, активист тай казанды ушундай жасалга менен ири иш-чараларда колдонууну сунуштайт. Мисалы, быйыл сентябрь айында Ысык-Көлдө 40 мамлекеттин өкүлдөрү катышкан II Дүйнөлүк көчмөндөр оюндары орун алат. Оюндардын программасында көк бөрү мелдеши да бар.

Учурда көк бөрү боюнча өлкө чемпиондугу жана КРнын Президентинин Кубогу баштаган ири мелдештерде төмөнкү сүрөттөгүдөй тай казан колдонулат.