Бишкек-Ош унаа жолунда жол кырсыгы катталып, Тажикстандын 5 жараны жеңил жаракаттарды алды

Бишкек-Ош унаа жолунда жол кырсыгы катталып, Тажикстандын 5 жараны жеңил жаракаттарды алды. Бул тууралуу бүгүн, 4-апрелде Өзгөчө кырдаалдар министрлигинен билдиришти.

Маалыматка ылайык, жол кырсыгы түнкү саат 02:30 чамасында Токтогул районунда, Бишкек-Ош унаа жолунун 293-чакырымында орун алган. Анда Тойота Превиа үлгүсүндөгү унаа менен жүк ташуучу Мерседес үлгүсүндөгү унаа сүзүшкөн. Натыйжада Тойота Превиа унаасындагы Тажикстандын 5 жараны жеңил жаракаттарды алган. Белгилүү болгондой, Тойота Превианы башкарган айдоочу уктап кетип Мерседести сүзгөн. Окуя болгон жерге барган Өзгөчө кырдаалдар министрлигинин №97-өрт-куткаруу бөлүмүнүн куткаруучулары жаракат алгандарга биринчи медициналык жардам көрсөтүшкөн.