2015-жылы Өзгөн жана Кара-Кулжадагы жер титирөөдөн жабыркаган жарандарга гуманитардык жардам көрсөтүлдү

2015-жылдын 17-ноябрында Ош облусунун Өзгөн жана Кара-Кулжа райондорунда болгон жер титирөөдөн турак жайлары зыянга учураган жарандарга жардам берүү улантылууда. Кечээ, 4-апрелде Өзгөчө кырдаалдар министрлигинин Өзгөчө кырдаалдарга чара көрүү түштүк борборунун бирдиктүү кампасында сакталып турган гуманитардык жардамдын эсебинен гуманитардык жардамдар төмөндөгүчө бөлүнүп берилди:

1. Өзгөн районуна 2200 килограмм ун, 440 килограмм макарон, 440 килограмм вермишель, 440 килограмм күрүч, 440 килограмм кумшекер, 88 килограмм чай, 440 банка консерва (мал эти), 440 банка консерва (балык эти) бөлүндү.

2. Кара-Кулжа районуна 750 килограмм ун, 150 килограмм макарон, 150 килограмм вермишель, 150 килограмм күрүч, 150 килограмм кумшекер, 30 килограмм чай, 150 банка консерва (мал эти), 150 банка консерва (балык эти) бөлүндү.