СУПЕРСТАН: "Мектептеги жаман көргөн мугалимдеримди көрсөм да көрмөксөн болуп өтүп кетем"

SUPER.KG порталынын "Суперстан" бөлүмүндө "Көрсө да көрмөксөн..." деген тема талкууланууда.

Теманын автору: "Кээде өзүбүз бирөөнү көрсөк да көрмөксөн болуп, телефон менен сүйлөшкөн киши болуп, тез-тез басып кетет эмеспизби. Эгер ошондой нерсени башка бирөө силерге кылса кандай абалда каласыңар? Эмнеге бирөөнү көрмөксөнгө салдыңар?"- деп суроо салган.

Буга колдонуучулар өздөрүнүн окуяларын кошо айтып жооп калтырышкан:

"Менде мындай учурлар көп эле болот. Жакпаган адамды учуратып калсаң же убакыттын тардыгынан көрмөксөн болосуң. Кээ бир адамдар өтө көп сүйлөшөт".

"Мен бирөөлөр келатса калп эле телефон чукуламыш болуп өтүп кетем. Анан жат компанияга барып калганда да телефон жардамга келет. Бирок сырттан караган адамга маданиятсыз көрүнөт".

"Кантип ушундай кыла аласыңар? Бул сыйга да, башкага да жатпайт. Бир жолу чала тааныш адамды көчөдөн көрүп калып, ал да мени көргөндөй болуп, учурашмакчы болуп даярданып бара жатсам башын жерге салып тетири бурулуп кеткен. Аябай таң калгам. Эмне кереги бар ушундайдын? Башыңды ийкеп кой, андан ары кете бер бара жаткан жагыңа".

"Мектептеги жаман көргөн мугалимдеримди көрсөм да көрмөксөн болуп өтүп кетем".

"Бересем бар адамды көрмөксөн болуп сыр бербей өтүп кетем".

Талкууга кошулгуңуз келсе, бул жакка кириңиз.