Ташкентте чек ара маселеси боюнча кыргыз-өзбек сүйлөшүүлөрү башталды

26-март күнү Ташкент шаарында чек ара маселеси боюнча кыргыз-өзбек сүйлөшүүлөрү башталды. Сүйлөшүүлөр КРнын Коопсуздук жана коргоо боюнча вице-премьер-министри Шамиль Атаханов менен Өзбекстандын вице-премьер-министри Рустам Азимовдун ортосунда жүрүүдө. Маалыматка ылайык, талкууда Баткен облусундагы Сох жана Ош облусундагы Барак анклавына байланыштуу көйгөйлөр айтылууда. Эки күндүк сүйлөшүүлөрдө суу маселеси боюнча да пикир алышуу болот.