Өкмөт: "Кыргыз Республикасынын жалпы карызы 288,8 миллиард сом"

2015-жылдын 31-декабрына карата Кыргыз Республикасынын мамлекеттик карызы 288,8 миллиард сомду (3,8 миллиард АКШ доллары) түздү. Бул тууралуу бүгүн, 5-апрелде өкмөттүн басма сөз кызматы билдирди.

Маалыматка ылайык, мамлекеттик карыздын ичинен:

- мамлекеттик тышкы карыз 273 320,2 миллион сом, жалпы карыздын 95 пайызын түзөт;

- мамлекеттик ички карыз 15 483,7 миллион сом, жалпы карыздын 5 пайызын түзөт.

"2015-жылга жалпы мамлекеттик карызды төлөө үчүн 14 364,4 миллион сом каралып, тышкы мамлекеттик карызды төлөөгө 7 483,7 миллион сом, ал эми мамлекеттик ички карызды төлөөгө 6 880,7 миллион сом жумшалды.

Муну менен катар Кыргыз Республикасынын Өкмөтү 2015-жылы мамлекеттик карыздарды төлөөгө каражатты өз убагында жана толук бойдон бөлүп берди",- деп айтылат маалыматта.