Орусияда героинди чайга аралаштырып саткан кыргыз жана өзбек жарандары эркинен ажыратылышты

Орусиянын Воронеж шаарында баңгизатты балдардын чайы менен аралаштырып таратып жаткан 23 жаштагы кыргыз жана 24 жаштагы өзбек жараны кармалган.

Орусиялык ММКлардын маалыматына таянсак, бул эки адам 2014-жылдын октябрынан бери аталган шаарда баңгизатты мыйзамсыз жүгүртүп келишкен болсо, көп өтпөй тиешелүү кызматтар тарабынан кармалышкан. Алардын жашаган батирин тинтүүгө алган маалда 1 килограммдан ашуун героин табылган. Соттук териштирүүлөр маалында кармалгандардын бири дагы 1,5 килограмм баңгизатынын катылып жаткан жерин көрсөтүп берген. Орусиянын мыйзамдарына ылайык, 5-апрелде алардын бири 12 жылга, экинчиси 14 жылга эркинен ажыратылды.