СУПЕРСТАН: "Аялын сыйлаган, үйүнө шашкан, ага жардамдашкан мырзаларды эмнеге "подкаблучник" деп ардантышат?"

Жашоодо аялзатын сыйлоо керек, аял - эне, аял - гүл деп ооз көптүрө сүйлөгөнүбүз менен, жалпы аялзаты эмес, үй-бүлөдө өзүнүн жубайына келгенде эркектер башкача кеп чыгара башташат. Ал эле эмес, дос, жоро-жолдоштордун арасында бири-биринин намысына тийип ар кандай аттарды да коюп алышканы көп кездешет. SUPER.KG порталынын "Суперстан" бөлүмүндө "Аялын сыйлагандарды "подкаблучник" дешет" деген тема талкууланууда.

Темада автор: "Күйөөмдүн бир досу аялын аябай сыйлайт. Бир жолу аялы ооруп калса, ал кир жууп, тамак жасаптыр. Аны көрүп калган достору ошондон баштап аны "подкаблучник" атка кондурушту. Аялын сыйлаган, үйүнө шашкан, ага жардамдашкан мырзаларды эмнеге "подкаблучник" деп ардантышат?"- деп суроо салган.

Түрдүү пикирлер төмөндө:

"Подкаблучникти" аял кишинин көзү менен карап билүү кыйын. Аны эркек кишилердин көзү менен караш керек".

"Аял кишини сыйлаган, урматтаган эркек эч качан "подкаблучник" болбойт. Тескерисинче, чыныгы эркек ошол. Бирок ашыкча көзүн карап, аялы айткан сөздөн чыкпай жүргөн эркектерди "аялын сыйлайт" деп түшүнгөн туура эмес. Мына ошол эркек "подкаблучник".

"Ушундай кептердин айынан урушуп, ажырашканга чейин барышкан канчалаган үй-бүлөлөр бар".

"Кыргыздарда ушундай көп кездешет, өздөрүнчө эле намыскөй эркектер бар. Мындайды чыныгы үй-бүлө десе болот".

"Көп ичип, ар нерсенин башын сүйлөгөн досторунун жанында отургандан көрө аялынын мээримине чөмүлгөн жакшы эмеспи".

"Досум аялына ар нерсе деп айтып, мамилеси менен аябай эле жаман кылчу. Анан аяшым төрөгөндө жанында болуптур, ошондон кийин мамилеси 100 пайызга өзгөрдү. "Аялымдын кыйналганын көрүп кылган мамилеме өкүндүм" дейт".

Талкууга кошулгуңуз келсе, бул жакка кириңиз.