Өткөн суткада өлкөдө 4 өрт кырсыгы катталып, Ош шаарында кампанын чатыры күйүп кетти

Өткөн сутка ичинде өлкө аймагында 4 өрт кырсыгы катталып, аларды өчүрүүгө 4 өрт өчүрүү бөлүмү тартылган. Бул тууралуу бүгүн, 8-апрелде Өзгөчө кырдаалдар министрлигинин басма сөз кызматынан билдиришти.

Маалыматка ылайык, Ош шаарында 1, Ош облусунда 1, Ысык-Көл облусунда 2 өрт кырсыгы катталды.

Ош шаарындагы Өзгөн көчөсүндө жайгашкан үйдүн жанында темир устундуу, шифер жабылган кампанын 5 чарчы метр чатыры күйүп, жанындагы гараждын ичинде токтоп турган Хонда Стрим үлгүсүндөгү унаанын 2 фарасы, бампери, айнеги жарылып, жараксыз болуп калган. Учурда өрттүн келип чыгуу себеби такталууда.