Кеминде мас абалындагы 4 адам айдоочунун унаасын тартып алган

26-мартта Чүй облусунун Кемин шаарына караштуу Нур айылынын тургуну, 24 жаштагы А.А. аттуу адамдын Москвич-2140 үлгүсүндөгү унаасы уурдалып, ушул эле күнү кылмышка шектүү катары Т.А., А.С., Д.М. жана Б.К. аттуу 18-21 жаштагы балдар кармалды. Чүй ОИИБинин басма сөз кызматы билдиргендей, бул окуя боюнча унаанын ээси арыз менен кайрылган. Анда Пассат унаасы менен белгисиз 7-8 бала мас абалында келип, жабырлануучунун унаасын тартып алышкан. Бул аракет боюнча тергөө амалдары жүрүп жатат.