Шашылыш билдирүү! 9-10-апрелде өлкөнүн көпчүлүк аймактарында жамгыр жаап, үшүк жүрүшү күтүлүүдө

9-10-апрелде Чүй, Талас, Баткен, Ош, Жалал-Абад облустарында жаан жаайт. Түнкүсүн тоо этектеринде жаан карга айланып, тоолуу райондордо кар жаашы күтүлөт. Бул тууралуу "Кыргызгидромет" борбору билдирет.

Маалыматка ылайык, бийик тоолуу аймактардын унаа жолдорунда кар күрткүсү жаралып, жолдор тоңголок, тайгак болот. Кээ бир райондордо батыштан соккон шамалдын ылдамдыгы секундасына 17-22 метрге жетет. Талас, Кемин өрөөндөрүндө жана тоо этектеринин айрым жерлеринде үшүк жүрүшү күтүлөт. Үшүктүн жүрүшү бүчүр байлаган, гүлдөгөн жана түйүлгөн данектүү мөмө бактарына коркунуч алып келет. Мындай туруксуз аба ырайы айыл чарба иштерин, автоунаа, энергетика жана коммуналдык кызматтардын ишин жана кыштоо жайыттарда мал кармоону кыйындатат.