Супер-Инфо
super.kg видео
ЖЫЛНААМА, 10-АПРЕЛЬ: 11 жыл мурун каскадёр Үсөн Кудайбергенов белгисиз адамдар тарабынан үйүндө атылып өлтүрүлгөн
2005-жылы 10-апрелде Бишкектин четиндеги Орто-Сай айылында бүткүл дүйнөгө таанымал, Орто Азиядан чыккан биринчи каскадёр Үсөн Кудайбергеновду өз үйүнөн атып кетишкен. Бул атайын тапшырма менен жасалган каргашалуу өлүм катары белгилүү. Себеби ошол жылы 24-март окуясынан кийин өзүнүн жигиттерин чогултуп атайын штаб ачып, өлкөбүздөгү болгон талап-тоноолорго каршы туруп, жерлерди басып алып жаткандарды биримдикке, тынчтыкка үндөп жүргөндө телеге чыгып: "Мен шаардагы талап-тоноолорду, жерлерди мыйзамсыз басып алууларды ким уюштуруп жатканын билем. Учурда иш юридикалык жактан каралууда. Буюрса, чындык ачыкка чыгат",- деп айтканы бар.
Ал 1949-жылы 27-ноябрда Жайыл районундагы Сары-Булак айылында туулган. Ал кинематография тармагында отуз жылдан ашык эмгектенип, 150дөн ашык фильмде өз ишин аткарган.
Үсөн Кудайбергеновду "Юность гения" аттуу өзбек фильмде 27 метр бийиктиктеги жардан ат үстүндө 1,5 метр бийиктиктеги Сыр-Дарыяга секирген трюк жасаганы үчүн "Гиннесстин рекорддор китебине" киргизишкен. Голливуд киностудиясынын эксперттеринин "Мыкты каскадёр" деген баасын алып, 1980-жылы дүйнөдөгү эң мыкты он каскадёрдун бири болгон. Бул үчүн Үсөн Кудайбергенов каскадёрлордун "Ардактуу куру" сыйлыгын алган. Өзүнүн кинодогу эмгек жолунда бир топ иштерди жасап, мурдагы Советтер Союзундагы бардык киностудиялар жана чет өлкөдөгү киностудиялар менен кызматташкан.
10-апрелдин жылнаамасы.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
11:30
2025-06-28
20:50
2025-06-27
Рейтинг: 
0
0
behappy74, 2 күн, Urmat_83, behappy74, 7 күндөн БАН!
Nomad Россия, Голливуд, Европада мыкты каскадерлор болуп эсептелет.