СУПЕРСТАН: Жигиттер үчүн сүйгөн кызынан карыз суроо уят ишпи?

SUPER.KG порталынын "Суперстан" бөлүмүндө "Сүйүктүүсүнөн карыз сураган жигиттер" деген тема талкууланууда.

Темада автор: "Сүйгөнүнөн карыз сураган жигиттерди сөз кылалы. Ушунчалык зарыл болгон учурда да мырзалар мындай окуядан качыш керекпи же тартынбай, намыстанбай сурай бериш керекпи?"- деп суроо салган.

Буга форумчулар мындай жооп беришти:

"Мен үчүн суроо уят иш. Сурасам бере турганын билсем да сурабайм".

"Жигиттин кыздан акча сурашы өөн эле учурайт го. Сураса да бербейт болчумун".

"Дегеле адам мүңкүрөп калбасын, бул адамдын кадырын кетирүүчү нерсе. Кыз кишиден эмес, эркек адамдардан да суратпасын. Бирок адамдар жашаган коом бири-бирине муктаж экени да белгилүү. Аял кишиден суроо абдан уят. Пайгамбардын убагында минген атынан зорго түшкөн карыялар да колунан камчысы түшүп кетсе, жанындагы жаштарды жумшабастан өзү атынан түшүп, камчысын алчу экен, кадырым кетет деп".

"Эми кырдаалга жараша го. Туура эле түшүнгөнгө аракет кылыш керек".

"Сураса го мейли. Боор ооруп берип койсоң, кайтарбай койгондор да жок эмес. Эми ошондой кырдаал болсо, сурагандын уяты деле жок, калп эле кур намыска алдырбай. Эң негизгиси, кайтарып берсе да. Карыз болгон соң сүйүктүүсүнө гана эмес, кимге болбосун кайтаруу зарыл".

"Мен кээде аялымдан карыз алып турам. Менин тапканым "общий", аныкы өзүнө гана таандык. "Общий" түгөнүп калганда андан сурайм. "Карызга" деп сурасам жөн эле берет".

Талкууга кошулгуңуз келсе, бул жакка кириңиз.