Шашылыш билдирүү! Өлкөнүн тоолуу райондорунда кар көчкү түшүү коркунучу бар

Өлкө аймагындагы тоолуу аймактарда кар көчкү түшүүсү күтүлөт. Бул тууралуу бүгүн, 14-апрелде Өзгөчө кырдаалдар министрлигинин басма сөз кызматынан билдиришти.

Маалым болгондой, 14-16-апрелде абанын температурасынын жогорулашына байланыштуу өлкөнүн тоолуу райондорунда, Бишкек-Ош унаа жолунун 121-137 жана 198-250-чакырымдарында, Ысык-Көл облусундагы Каракол-Эңилчек унаа жолунун 75-83-чакырымдарында Жалал-Абад облусундагы Ала-Бука - Каныш-Кыя унаа жолунун 70-80-чакырымдарында кар көчкү түшүүсү күтүлөт, жолдор тайгак болуп, муз тоңот. Унаалардын ортосунда 500 метр аралык кыймыл чектелиши зарыл.