Супер-Инфо
super.kg видео
Чемпиондор Лигасынын жарым финалында "Реал" клубу "Манчестер Сити" менен ойнойт, "Атлетико" "Баварияга" каршы турат
Бүгүн, 15-апрелде УЕФАнын Чемпиондор Лигасынын жарым финалында кайсы командалар өз ара ойной турганы аныкталды. Атаандаштар чүчү кулактын негизинде бөлүштүрүлүп, чүчү кулак таштоо аземин УЕФАнын Мелдештер боюнча башкармалыгынын директору Жоржио Маркетти өткөрдү. Ага 2010-жылы италиялык "Интердин" курамында Чемпиондор Лигасын уткан Деян Станкович көмөктөштү.
Белгилүү болгондой, жарым финалга "Манчестер Сити" (Англия), "Реал", "Атлетико" (Испания), "Бавария" (Германия) клубдары чыккан.
Белгилүү болгондой, "Манчестер Сити" өз тарыхында аталган лигада жарым финалга биринчи жолу чыкты. Бул жарым финал "Атлетико" үчүн бешинчи ирет болсо, "Бавария" тарыхында бул бийиктикти 18-жолу, "Реал" 27-жолу багынтты.
Жыйынтыгында жарым финалда атаандаштар төмөнкү тартипте ойномой болушту:
"Реал" (Испания) - "Манчестер Сити" (Англия)
"Бавария" (Германия) - "Атлетико" (Испания)
Алгачкы жарым финалдык оюндар 26-27-апрель күндөрү, жооптук оюндар 3-4-май күндөрү орун алат. Финалдык оюн болсо 28-майда Милан шаарында өтмөкчү.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
2
2
ЛЧдо алсыз команда ойнобойт, анан дагы келип келип жарым финалда алсыз команда калып калбайт. Баарынын мумкунчулуктору 50-50.
Маалымат толукталды. Оюндар боло турган күндөр жазылды.
МС-Реал
АТМ-Бавария туурасы
Ошентип озунду сооротуп тур.