ТОП-Лига-2016. Футбол боюнча өлкө чемпиондугунда "Алай" клубу конокто "Дордой" менен 1:1 эсебинде тең ойноду

Бүгүн, 16-апрелде Бишкек жана Кант шаарларында футбол боюнча өлкө чемпиондугу - ТОП-Лиганын 5-турунда 3 оюн орун алды. Күндүн эң маанилүү беттеши катары "Дордой" - "Алай" беттеши бааланып, "Дордой" спорткомплексине эл толо келди.

Бул оюн элдин ишенимин актап, өтө кызыктуу болду. 1-таймдын аягында "дордойчулар" эсепти ачышса (38-мүнөттө Ислам Шамшиев), 2-таймдын башында "алайлыктар" эсепти теңешти (48-мүнөттө Турсунали Рустамов). Албетте, оюнда эки команда тең мыктылыгын көрсөттү. Топ талашууларга, эреже бузууларга көп орун берилди. Жыйынтыгында калыстык милдетти аткарган Рысбек Шекербеков 75-мүнөттө кызыл айып кагазын көрсөтүп, "Дордойдун" оюнчусу Мустафа Юсуповду майдандан четтетти.

16-апрелдеги оюндардын жыйынтыктары:

"Дордой" (Бишкек) - "Алай" (Ош) - 1:1

"Алга" (Бишкек) - "Кара-Балта" (Кара-Балта) - 5:2

"Абдыш-Ата" (Кант) - "Алдиер" (Куршаб) - 3:1