СУПЕРСТАН: "Бирөөнүн муздаткычын ачып караган адамдарды жыга чапкым келет"

SUPER.KG порталынын "Суперстан" бөлүмүндө "Жыга чапкым келет!" деген аталышта тема ачылып, жашоодогу айрымдардын орунсуз иштери талкууга алынууда.

Темадагы кызыктуу билдирүүлөрдөн:

"Бүгүн бирөөгө күчүм жеткенде жыга чабат элем. "Кыз издеп жүрөм, тааныштырбайсыңбы, үйлөнөм" дейт. Кандай кыз издеп жүргөнүн сурасам "окуган, эки тил билген кыз болсун" дейт. Каткырып күлдүм го токтоно албай. "Биринчи өзүңүз кыргыз тилин жакшыраак билип алыңызчы" десем чычалап кетти. Ушунчалык бир ургум келди дейсиң..."

"Бир нерсе жасап жатсаң акыл үйрөткөндөрдү жыга чапкым келет, өзүнөн сурасаң балээни да билбейт".

"Биринчи башкача сүйлөп, анан эле айнып кеткендерди жыга чапкым келет да, бирок андайга күчүм дагы, "духум" дагы жетпейт".

"Маршруткага улуулар түшкөндө телефонун чукумуш болуп отуруп алгандарды жаткыра чапсаң".

"Эки киши сүйлөшүп жатса ортосунан чыга калып бөлүп, анысы аз келгенсип кечке сөз бербей талашып сүйлөгөндөрдү жыга чапсаң" .

"Бирөөнүн муздаткычын ачып караган адамдарды жыга чапкым келет, ал жакта эмне жоготту десең..."

Талкууга кошулгуңуз келсе, бул жакка кириңиз.