Бүгүн Жогорку Кеңештин төрагасын шайлоо өтөт

Бүгүн, 20-апрелде Жогорку Кеңештин жалпы жыйынында төраганы шайлоо өтөт. Депутаттар эки талапкер: "Кыргызстан" фракциясынын лидери Канат Исаевдин, "Өнүгүү-Прогресс" фракциясынын лидери Бакыт Төрөбаевдин талапкерлигине же экөөнө тең каршы добуш бере алышат. Талапкерлер коалициялык көпчүлүктүн өкүлдөрү. Оппозициялык фракциялар "Республика - Ата Журт" менен "Бир бол" төрагалыкка талапкерди сунуштоодон баш тартышкан.

Конституцияга ылайык, Жогорку Кеңештин төрагасы жашыруун добуш берүү аркылуу шайланат. Төрага болууга 120 добуштан 61ин топтоо жетиштүү. Айта кетсек, 13-апрелде Жогорку Кеңештин экс-төрагасы Асылбек Жээнбеков агасы Сооронбай Жээнбеков премьер-министрликке шайланып жатканына байланыштуу ээлеген кызматынан кеткен эле.