Жогорку Кеңештин спикерлигине эки талапкер тең шайланбай калды

Жогорку Кеңештин спикерин шайлоонун расмий жыйынтыгы жарыяланды. Эсептөө комиссиясынын төрагасы Мирлан Жээнчороевдин айтымында, Канат Исаев жана Бакыт Төрөбаев 51:51ден добуш алышты. "Жалпысынан 119 бюллетень берилген, 3 бюллетень жараксыз деп табылды. 14 депутат "баарына каршы" добуш берди. Бир да талапкер төрагалыкка жетиштүү добуштардын санын топтой алган жок, ошондуктан комиссия жаңы талапкерлерди көрсөтүү менен жаңы шайлоону өткөрүүнү чечти",- деди Жээнчороев.