“Ош суу-канал” муниципалдык ишканасы жергиликтүү тургундарга таза суу жеткирип берүүдө

“Ош суу-канал” муниципалдык ишканасы кичи райондордогу тургундарга таза суу жеткирип жатат. Бул тууралуу 20-апрелде ишкананын басма сөз кызматы кабарлады.

Маалыматка ылайык, ушул жылдын 19-21-апрель аралыгында план боюнча Оштогу суу тазалоочу “Озгур” станциясына диаметри 800 мм жабдыкты орнотуу үчүн таза суу өчүрүлмөк. Бирок тынымсыз жамгыр жаагандыктан, булганган сууну тазалоо максатында таза суу эрте токтотулган. Бул күндөрү “Ош суу-канал” ишканасы калаанын кичи райондоруна суу жеткирет. Төлөйкөн кичи районундагы тургундар
Г.Айтиев көчөсүндөгү "Коңурат+" комплексинин скважинасынан иче турган сууну ташый алышат.

Эскерте кетсек, 18-апрель күнү Ош облусунда тынымсыз жамгыр жаагандыктан, Алчалуу, Жаңы-Айыл аймактарында сел жүргөн. Табигый кырсыктан 30-40 метрге чейин жол зыянга учурап, беш үйдү суу каптаган.