Сарык оорусу күч алып, Ысык-Көлдөгү айрым мектептерде окуу токтотулду

Ысык-Көл облусундагы Түп районунун Шаты айылында жайгашкан Молдогазиев атындагы орто мектептин окуучулары арасында сарык оорусу күч алгандыгына байланыштуу аталган мектепте окуу токтотулду. Бул чектөө 2-апрелге чейин болот. ӨКМнын басма сөз кызматынын берген маалыматы боюнча, ушундай эле көрүнүш менен облустун Кең-Суу айылында жайгашкан Сыдыкбеков атындагы орто мектепте окуу процесси 6-апрелге чейин токтотулду.