СУПЕРСТАН: Кыргыздарга коюлган ысымдар кайсы тилден алынган жана кандай маанини билдирет?

SUPER.KG порталынын "Суперстан" бөлүмүндө "Аттардын мааниси, магиясы бул жерде" деген тема талкууга алынууда.

Темадагы билдирүүлөрдөн:

"Диляра деген ысым байыркы фарс тилинен биздин тилге кирип, "ашык болгон жан", "жүрөктү эргиткен" деген маанилерди берет экен".

"Нури деген ат кыргыз тилине араб тилинен кирип, "нурдуу, нурдан келген" деген маанилерди берет. Башка аттардан Шоолага, Раушанга синоним. Шооланын казакчадагы варианты - Сауле. Кайсы тилден келгенин так билбейм. Ал эми Равшан деген ат фарсчада болгонуна караганда ошолордуку болсо керек деп ойлодум".

"Гүлбара дегенди чечмелейли. "Гүл" фарсчада роза гүлүн билдирет, "бар" сөзү "жемиш", "түшүм" деген сөздөргө дал келет. Демек, жорумумда "гүлдүн кызы" болду".

"Мен билгенден Гүлбаранын мааниси "байчечекей" дегенди билдирет".

"Бакыт" сөзү кыргыз тилине фарсчадан кирип, өзүнүн булагында "бахт" түрүндө айтылат. Маанилери - тагдыр (оң маанисинде), маңдай жазуусу же бешене, кут".

Талкууга кошулгуңуз келсе, бул жакка кириңиз.