Балдарга ылайыкталган 100 китептин тизмесин түзүү аракети көрүлүүдө

“Диалог Евразия” коомдук фонду тарабынан февраль-март айларында өткөрүлгөн “Китеп - билим булагы” аттуу тегерек столдо мектеп окуучулары үчүн сабактан тышкары окуй турган эне тилиндеги 100 китеп (балдар адабияты, жомоктор, ырлар, дастандар, аңгемелер, роман жана поэма, публицистика, тарыхый романдар, дүйнөлүк адабий классикадан тандалмалар ж.б.) тизмесин түзүү сунушу түшкөн. Орто мектепти сабактан тышкары окууга сунушталуучу 100 китептин тизмеси бардык жарандардан келип түшкөн сунуштарды эске алуу менен такталып, Билим берүү жана илим министрлигине сунушталмакчы. Бул маселе боюнча 2013-жылдын 16-апрелине чейин каалоочулардан ушул 100 китептин тизмесине кирүүгө татыктуу деген адабияттар тууралуу сунуштар кабыл алынат. Сунуштарды 59-65-29, 59-65-30 телефон номерлери же dabishkek@gmail.com электрондук дареги аркылуу билдирсеңиз болот.