Ракка кабылган 1,5 жаштагы Айдарга операция ийгиликтүү жасалды, жакындары Нюшага жана кыргыз элине ыраазы

Кечээ, 21-апрелде Москвада рак илдетине кабылган Айдарга ийгиликтүү операция жасалды. Бул тууралуу Орусияда жашаган активист Жылдыз Осмонова жазып чыкты.

Анын айтымында, 1,5 жаштагы Айдардын операциясына кыргыз элинен жалпысынан 500 миң сомго жакын каражат чогулган. Калган жардам орусиялыктардан болгон. Жалпысынан операцияга 7 миллион рубль керектелмек.

Кошумчалай кетсек, Айдарды аман алып калуу аракетинде анын жакындары операцияга коомчулуктан жардам сураган. Ага акчалай көмөк көрсөткөндөрдүн катарында орус ырчысы Нюша да болду. Ырчы операцияга 300 миң рубль бергени кызуу талкууланган.