Путин, Ди Каприо, Обама. "Time" журналы дүйнөдөгү эң таасирдүү адамдарды атады

Америкалык "Time" басылмасы дүйнөдөгү эң таасирдүү адамдардын тизмесин жарыялады. Басылманын жаңы тизмесинде Голливуд жылдыздарына, ошондой эле саясатчыларга да орун берилген. Андагы каармандардын баары номинациясыз эле "Эң таасирдүү" делген топторго бөлүнгөн. Бул тууралуу чет элдик басылмалар жазып чыгышты.

Маалыматтарга караганда, "Лидерлер" категориясында Орусиянын президенти Владимир Путин, Германия канцлери Ангела Меркель, АКШ башчысы Барак Обама, түрк президенти Режеп Тайип Эрдоган, Франция башчысы Франсуа Олланд жана Түндүк Кореянын жетекчиси Ким Чен Ын бар.

"Кумирлер" категориясы боюнча эң таасирдүүлөрдүн алдынкы сабында актёр Леонардо Ди Каприо, ырчы Ники Минаж турат. Индиялык актриса Приянка Чопраны "Искусство тармагындагы эң таасирдүү адамдар" тизмесине кошушкан.