ӨКМ: "Республика боюнча аба ырайынын кескин өзгөрүшү күтүлөт"

Өлкөдө 31-мартта аба ырайынын кескин өзгөрүлүшү күтүлөт. ӨКМнын басма сөз кызматы билдиргендей, бул күнү жаан жаап, тоолуу аймактарда карга айланышы мүмкүн. 1-2-апрель күндөрү өрөөндөрдө абанын күндүзгү температурасы 3-8 градуска чейин төмөндөйт. Мындай аба ырайы айыл чарба иштерин үзгүлтүккө учуратып, автоунаа, энергетика жана коммуналдык кызматтардын ишин кыйындатат. 2-3-апрелде Чүй, Талас, Нарын, Ысык-Көл облустарынын айрым жерлеринде жана Ош, Жалал-Абад облустарынын тоо этектеринде үшүк жүрүшү күтүлөт.