Жыл башынан бери жашы жете электерге карата жасалган сексуалдык мүнөздөгү 28 факт катталган

2016-жылдын алгачкы 3 ай аралыгында өлкө аймагында жашы жете электерге карата сексуалдык мүнөздөгү 28 факт катталган. Бул тууралуу бүгүн, 22-апрелде SUPER.KG порталына Ички иштер министрлигинин басма сөз катчысы Эрнис Осмонбаев билдирди.

Маалыматка ылайык, 2015-жылдын алгачкы 3 ай аралыгында жашы жете электерге карата жасалган сексуалдык мүнөздөгү 39 факт катталган. Ал эми үстүбүздөгү жылдын алгачкы 3 айында 28 факт катталып, бул көрсөткүч былтыркы жылга салыштырмалуу 40 пайызга азайган.

Айта кетсек, буга чейин Ички иштер министрлигинин өкүлү 2015-жылы балдарга карата зомбулук көрсөтүү кылмыштарынын саны 10 пайызга жогорулаганын билдирген. Статистика боюнча 2011-жылы 83 факт, 2012-жылы 151 факт, 2013-жылы 138 факт, ал эми 2014-жылы 140 факт катталганы маалым.