СУПЕРСТАН: "9-классымда 11-класста окуган бир кыз менен мушташып кеткем"

SUPER.KG порталынын "Суперстан" бөлүмүндө "Мектепте мушташчу белеңер?" деген тема талкууга алынууда.

Темадагы билдирүүлөрдөн:

"Мен 9-классымда 11-класста окуган бир кыз менен мушташып кеткенимди эч унутпайм, анткени анда утулуп, ыйлап калгам да. Чоң кыз менен мушташкан мен да эр экенмин деп коём азыр. Ошондо боюм кичинелик кылып койсо керек. Ал кыз менин классташымдын аталаш эжекеси болчу. Кийин таарынычы жок эле учурашып калганбыз. 10-классымда болсо классташ кызымды жаакка бергенимди мен да, классташтарым да такыр унутушпайт. Эртеси анын жаагы кадимкидей көгөрүп калганын көргөндө аябай уялгам".

"Биз сабактан кийин калып, мектептин жанындагы эски мектепте куурчак, конокко барып ойночубуз. Айпери деген классташыбызга апасы кооз сарафан алып берген экен, "кел, мен бир жолу конокко кийип барып келейин" десем болбойт. Анан жиним келип оозуна тепсем, тиши сынып калып жатбайбы. Коркконумду айтпагыла, милицияга берет деп".

"5-класста бир бала менен мушташып, ал да мени урган, мен да жөн калбай таш менен ургам. Анан экөөбүз тең ыйлаганбыз".

Талкууга кошулгуңуз келсе, бул жакка кириңиз.