"Ата журтчу" 3 депутаттын сот ишинде Садыр Жапаровдун жактоочусун эскерүү болду

Бүгүн, 29-мартта Бишкектин Биринчи Май райондук сотунда "ата журтчу" депутаттардын соттук ишинин акыркы отуруму өтүүдө. Процесс башталардын алдында жактоочу Азимбек Бекназаровдун сунушу менен депутат Садыр Жапаровдун жактоочусу Токтогул Абдыевдин каза болгондугуна байланыштуу бир мүнөттүк эскерүү болду. Бул сот ишине бир катар депутаттар да келишти. Орун аз болгондугуна байланыштуу залга кошумча отургучтарды алып келишти.