Борбордо "мас абалында кафелердин биринен столду сындырган" деп шектелген 3 аял кармалды

Борбор калаада "мас абалында кафелердин биринен столду сындырган" деп шектелген 3 аял кармалды. Бул тууралуу бүгүн, 25-апрелде Бишкек шаардык ички иштер башкы башкармалыгынан билдиришти.

Маалыматка ылайык, милицияга арыз менен 25 жаштагы К.Ф. аттуу тургун кайрылган. Ал саат 19:00 чамасында борбордогу Панфилов эс алуу багынын ичинде жайгашкан кафелердин биринен европа улутундагы 35-40 жаштардагы мас аялдар тополоң кылып, столду сындырып кетишкенин билдирген. Биринчи Май райондук ички иштер башкармалыгынын кызматкерлери тарабынан бейбаштык фактысына шектелип Бишкек шаарынын 33 жаштагы О.О., 49 жаштагы П.Е. жана 53 жаштагы К.О. аттуу тургундары кармалган. Учурда иликтөө иштери жүрүүдө.