Бишкек шаарында адам өмүрүнө коркунуч жараткан 3 миңге жакын бак-дарак бар экени аныкталды

Бишкек шаарында бүгүнкү күндө адам өмүрүнө коркунуч жараткан 2936 бак-дарак бар экени катталды. Бул тууралуу бүгүн, 25-апрелде SUPER.KG порталына “Жашылдандыруу” ишканасынын агроному Жаныбек Жумалиев билдирди.

Маалым болгондой, Бишкек шаарынын аймагындагы мектептер жана мектепке чейинки билим берүү мекемелеринде балдардын өмүрүнө коркунуч жараткан абалдагы 1018 бак-дарак бар экени белгилүү болду.

“2936 бак-дарактын ичинен 1062 даракты толугу менен кыйып салуу керек, 420 бак жарымынан кыйылуучу дарактардын санына кирет. Азыркы күндө катталган актылардын негизинде 160 дарак шаардын ар аймактарында кыйылып жатат”,- дейт Ж.Жумалиев.