СУПЕРСТАН: "Аялдан эч качан жакшы айдоочу чыкпайт"

SUPER.KG порталынын "Суперстан" бөлүмүндө "Машина айдоо айымдар үчүн эмеспи?" деген тема талкууга алынып жатат.

Темада мындай пикирлер айтылууда:

"Аялдан эч качан жакшы айдоочу чыкпайт".

"Аялдар жол эрежесин бузбай, шашпай, жакшы айдашса керек. Эркектер 40 секундалык жол чыракты күтпөй шашылышат".

"Аялдар, дагы бир жолу айтам, унаа айдоо силер үчүн эмес, биз үчүн. Аялдар, эркектерден статус талашып эле жүрө берет экенсиңер да. Биз силердин эмнеңерди талашып жатабыз?"

"Эмне, машинаны чыгарып жатканда жалаң гана эркектер айдасын деп чыгарыптырбы? Дайыма айымдарды 2-орунга коёсуздар. "Аялдар үйдө отуруш керек, окубаш керек, тигинтпеш керек, минтпеш керек..." Аялдар деле адам! Адам болгондо да сизди дайым сүйгөн, сиз үчүн жашын төккөн, сиз деп кыйналып-кысталган адам!"

"Менин оюмча, эркектерге караганда айымдар жакшы айдашат. Мисалы, мен жолдошум менен жарышып жеңип алгам".

"Аял кишинин психологиясы алсызыраак болот, ылдамдык арткан сайын көзөмөлдөй албай, коркуп кеткенинен кайра ылдамдатат" деп уккан жайым бар. Анан кырсыкка учурайт. Жол эрежесин бузган айымдарды көп көргөм".

Талкууга кошулгуңуз келсе, бул жакка кириңиз.