Жолдогу паракорчулуктун алдын алуу максатында республика боюнча айдоочуларга түшүндүрмө китепчелер таратылды

“Бир дүйнө - Кыргызстан” укук коргоо кыймылы жолдордогу абалды өзгөртүү үчүн айдоочуларга атайын эскертме, китепчелерди таратышкан. Бул тууралуу бүгүн, 27-апрелде маалымат жыйынында долбоордун өкүлү Болот Исмаилов билдирди.

"Айдоочулардын эскертмелеринде жол эрежесин бузгандыгы үчүн айып пул, төлөм терминалдарын (ПОС-терминалдар) пайдалануу жөнүндө маалыматтар жазылган. Мындай иш-чаранын максаты жол кыймылындагы паракорчулукту жок кылуу, айдоочулардын укуктарын коргоо болуп саналат", - дейт Болот Исмаилов.

Унаа ээлерине арналган китепчелер 3 тилде 75 миң нуска менен жарык көргөн. Ошондой эле 150 миң эскертме, 18 миң плакат чыгарылган. Мунун баары республиканын бардык аймактарында таратылып, түштүк региондоруна китепчелерди таратууда тоскоолдуктар болгон. Долбоордун юристи Валерьян Вахитов бул тууралуу: "Ошто өзбек тилиндеги китепчелерди укук коргоо кызматкерлери элге тараттырбай коюшту. Колубуздан эскертме китепчелерди тартып алышты”, - дейт В.Вахитов.