Кыргыз кызы Москвада өткөн модельерлер сынагында баш байгени жеңип алды

Москвада өткөн Надежда Ламанова атындагы профессионал жаш модельерлер арасындагы сынакта кыргыз кызы Аида Робертова баш байгени жеңип алды. Бул тууралуу "Mersedes-Benz Fashion Week Russia" сынагынын расмий сайтында маалымдалат.

22-апрелде Слава Зайцевдин Мода үйүндө эң мыкты жаш чеберлердин 13-сынагынын финалы өткөн. Жыйынтыгында Аида Робертова өзгөчө стилдеги кийимдер коллекциясы үчүн башкы байгени жеңип алган. Мекендешибизге "Mersedes-Benz Fashion Week Russia" мода көргөзмөсүнө катышууга жолдомо жана демөөрчүлөрдөн баалуу белектер тапшырылды.

3-орунду Анна Рачкова менен Алёна Шичкина бөлүшсө, 2-орунду Ника Шабашова менен Юлия Майер ээледи. 1-орунга Галина Дрозд жана Галина Бирюкова татыды.

Сынактын калыстар тобуна Вячеслав Зайцев, Егор Зайцев, Елена Макашова, Сергей Ефремов сыяктуу дизайнерлер, Елена Вышинская, Наталья Козлова аттуу мода чөйрөсүндөгү журналисттер кирген.