Өзгөчө кырдаалдар министрлигине өрт өчүрүүчү тик учак керек

Өзгөчө кырдаалдар министринин орун басары Давлетбек Алимбеков билдиргендей, аталган министрликке өрт өчүрүүгө ылайыкталган тик учак керек. Анын айтымында, өткөн жылы Кыргызстан менен Казакстан чек арасындагы токойдо өрт чыкканда тик учактын жоктугунан, тилсиз жоону чака менен суу чачып өчүрүүгө туура келген. “Ошол окуяда 2 күн бою өрт менен күрөшүп, өчүрө албай койгонбуз. 3-күнү Казакстандан тик учак келип өчүргөн”,- дейт ал.