СУПЕРСТАН: "Уруш-талаш болмоюнча турмуш болобу?"

SUPER.KG порталынын "Суперстан" бөлүмүндө "Уруш-талаш болмоюнча турмуш болобу?" деген тема талкууланууда.

Темадагы билдирүүлөрдөн:

"Турмушта уруш-талаш болмоюнча турмуш болбойт. Өзү эле айтып турат, "тур+муш" деп. Тур, анан мушташ дегендей".

"Алган жарым ыйманы, сый-урматы менен болсо, Мишка Машаны карагандай карамакмын".

"Аялыңдын шайтаны көбөйүп кетсе камчы, камчы болбосо кур менен саба".

"Казан-аяк кагышат, кайра эле жарашат" дегендей, турмушта ар нерселер болот. Урушуп жашагандардын жашоосу кызыктуудай туюлат. Жашоону айнектин түсүндөй кылып көңүлсүз өткөргөнчө бири-бириңди кызганып, бири-бириңдин жиниңе тийип, бири-бириңди эрмектеп көрктүү кылып жашаган артык".

"Урушу жок, бири-биринин каш-кирпигине карап, эзилишип, эркелешип отургандар ойноштордо гана болот. Анан бир-эки айда бир жолу жубайлардын бири көк көйнөгүн, бири тескери тонун кийип алгандары нормалдуу эле. Ал эми ар эки күндө кызыл камчы, кырды бычак боло бергендердин келечеги кыл үстүндө болуп калат".

"Уруш-талашсыз жашаса болот. Ар бир көйгөйдү, маселени жай деле түшүндүрсө болот. Жолдошум экөөбүз 10 жылдан бери урушуп, көңүлүбүздү калтырып жаман сөз айтышпадык. Менин ата-энемден кийинки эле эң кымбат, эң жакын адамыма катуу сүйлөй албайм".

Талкууга кошулгуңуз келсе, бул жакка кириңиз.