Ош облусунда чек араны бузган Польшанын 3 жараны кармалды

Ош облусундагы чек араны бузган Польшанын 3 жараны кармалды. Бул тууралуу бүгүн, 29-апрелде Мамлекеттик чек ара кызматынын маалымат менен камсыздоо бөлүмү кабарлады.

Маалыматка ылайык, 28-апрель күнү кыргыз-тажик чек арасындагы "Бор-Дөбө унаа жолу" көзөмөл-өткөрүү бекетинен алыс эмес жерде режимдик объектилерди мыйзамсыз түрдө сүрөткө жана видеого тартып жаткан польшалык 3 жаран кармалган. Текшерүү иштеринин алкагында алардын биринин өздүгүн тастыктоочу документтери жок экени аныкталган. Тиешелүү документтер толтурулуп, чет элдик жарандар УКМКнын аймактык бөлүмүнүн кызматкерлерине өткөрүлүп берилген.