Ош облусунда 5 баллга жеткен жер силкинүү катталды

Ош облусунда күчү 5 баллга жеткен жер силкинүү катталды. Бул тууралуу бүгүн, 29-апрелде Сейсмология институтунан билдиришти.

Маалым болгондой, жер силкинүүнүн очогу Кытай Эл Республикасында болгон. Жер силкинүү жергиликтүү убакыт боюнча саат 10:36 чамасында болуп, Ош облусунун Эркеч-Там айыл аймагынын түштүк-чыгышка карай 25-чакырымында, Нура айыл аймагынан түндүк-чыгышка карай 30-чакырымында сезилген. Эркеч-Там, Нура айылдарында жер титирөөнүн күчү 5 балл болгон. Ал эми Кара-Киндик, Кичи-Каракол, Сопу-Коргон айылдарында 3 баллга жеткени маалыматта айтылат.