Бүгүн Чемпиондор Лигасынын жарым финалында "Бавария" менен "Атлетико" жооптук беттеш өткөрүшөт

"Бавария" (Германия) - "Атлетико" (Испания)

Стадион: Мюнхен шаары, "Альянц Арена" стадиону

Калыс: Гүнейт Чакыр (Түркия)

Башталышы: 00:45 (Бишкек сааты)

(Биринчи оюнда "Атлетико" 1:0 эсебинде уткан).

Бүгүн, 3-майда УЕФАнын Чемпиондор Лигасынын жарым финалында "Атлетико" жана "Бавария" клубдары беттешет. Бул тууралуу мелдештин расмий сайты кабарлайт.

Бул лиганын жарым финалдык баскычындагы жооптук оюн экенин эске салабыз.

Финалга чыгууну тилеп турган командалардын машыктыруучулары төмөнкүчө ой бөлүшөт.

Хосеп Гвардиола, "Бавариянын" башкы машыктыруучусу:

- Биз биринчи кезекте мыкты коргонуп, оюндун жүрүшүн көзөмөлдөшүбүз керек. "Атлетико" коргонууда мыкты ойнойт жана кези келгенде мыкты чабуулдарды уюштурганга жөндөмдүү. Мындай атаандашка каршы ойноо бир топ кыйын, бирок финалга чыгуу үчүн колдон келгенин кылабыз.

Диего Симеоне, "Атлетиконун" башкы машыктыруучусу:

- Биздин командада мыкты, тажрыйбалуу оюнчулар бар. Биринчи оюнда "Баварияга" каршы мыкты ойнодук. Бул жолку оюн андагы оюндан айырмаланат. "Бавария" мыкты оюнун көрсөтүүгө аракет кылат, бирок биз дагы жеңишти көздөйбүз. Башкы максатыбыз - финалга чыгуу.