Супер-Инфо
super.kg видео
ЭЛДИК КАБАР: Кара-Жыгач айыл аймагына караштуу Чарба, Тор-Камыш айылдарында жааган мөндүр турак үйлөрдү зыянга учуратты
Аксы районунун Кара-Жыгач айыл аймагына караштуу Чарба, Тор-Камыш айылдарында 13 мүнөт жааган мөндүр турак үйлөрдү зыянга учуратты. Бул тууралуу бүгүн, 3-майда окурман WhatsApp аркылуу SUPER.KG порталына билдирди.
"Кечээ, 2-майда саат 20:30 чамасында 13 мүнөт жааган мөндүрдүн кесепетинен айылга чоң сел келип, турак үйлөргө чейин кирип, короолорго таш толуп калды. Өрүк, кара өрүк, алмаларга зыяны тийди. Кара-Жыгач айыл өкмөтүнүн жетекчилигин чакырсак, келип абалыбызды сурап койгон жок. Азыркы убакта сел азайганы менен, токтой элек. Жергиликтүү бийлик өкүлдөрүнөн бир да адам келген жок", - дейт нааразы болгон окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |