Нарын облусунда күчү 3,5 баллга жеткен жер силкинүү катталды

Нарын облусунда күчү 3-3,5 баллга жеткен жер силкинүү катталды. Бул тууралуу бүгүн, 4-майда Сейсмология институтунан билдиришти.

Маалым болгондой, жер силкинүү Нарын облусунун Туз айылынан 10 чакырым түштүк-батышка карай, Ак-Чий айылынан 10 чакырым түштүк-чыгышка карай, Орток айылынан 15 чакырым түштүк-чыгышка карай, Кочкор районунун борборунан 30 чакырым түштүк-батышка карай жайгашкан. Туз жана Ак-Чий айылдарында жер силкинүүнүн күчү 3 баллга, ал эми Чолпон жана Эпкин айылдарында 2,5 баллга жеткен.