Эл аралык футбол федерациясынын апрелге карата жаңыланган рейтингинде улуттук курам 100-орунду сактап калды

Бүгүн, 5-майда Эл аралык футбол федерациясынын (ФИФА) расмий сайтында апрель айына карата рейтинг жаңыланды. 209 мамлекеттин ичинен улуттук курамабыз 100-орунду сактап калды. Азия футбол конфедерациясынын рейтингинде Кыргыз Республикасынын улуттук курамасы 12-орунду ээледи.

Учурда мамлекетибиздин улуттук курамасынын эсебинде 340 упай бар.

Кошумчалай кетсек, рейтинг расмий оюндардын жыйынтыктарына карата чыгарылат. Улуттук курам акыркы расмий беттешин 29-мартта Тажикстан курамасына каршы өткөрүп, 1:0 эсебинде жеңип алган. Бул Дүйнө чемпиондугунун тандоо турундагы акыркы беттеш болгондуктан, улуттук курам апрель айында расмий беттеш өткөргөн жок.

100-орун кыргыз футболунун тарыхындагы эң мыкты көрсөткүч.